Kioma horo estas? Nun estas duono post la sesa.

Ĉu vi havas tempon antaŭ la forveturo de via trajno? Mia trajno forveturos post unu horo.

Hodiaŭ estas la dek-tria de julio. Post kvin tagoj, la dek-okan de julio, mi forveturos hejmen.

Kiam vi revenos en la lernejon? La unuan de septembro.

Kiu tago estas hodiaŭ? Hodiaŭ estas vendredo kaj antaŭ ni estas sabato kaj dimanĉo.

Kia tago estis hieraŭ? Hieraŭ estis bela suna tago.

Julio kaj aŭgusto estas la plej varmaj monatoj.

En la jaro mil naŭcent okdek naŭ junio estis pli varma monato ol julio.

Ĉu la vorto estas en la vortaro?

Ne kombu vin per mia kombilo! Sed mi kombas min per mia kombilo.

Jan portas el arbaro fungojn.

Bonvolu preni bulkon kaj trinki lakton. Dankon, mi jam manĝis kaj trinkis hejme.

* * *

La vulpo kaj la vinberoj

Vulpo kaj lia kunulino trovis en vitejo maturajn vinberojn. La vulpino diris: „La vinberoj povus mildigi mian soifon.“ La virvulpo eksaltis por kapti ilin. Li saltadis kaj saltadis, sed ĉiam vane. La branĉoj de la vitoj estis tro alte. Fine li diris al la vulpino: „Ni foriros… Vi certe ne volas manĝi ĉi tiujn nematurajn acidajn vinberojn. La akvo en la rivereto certe povos pli bone forigi (estingi) vian soifon.“